張繼聰和蔡卓妍合演的賀歲片上映在即，近期馬不停蹄做宣傳的工作，日前二人就和Hoytv主播俞詠文分享拍攝時的趣事。張繼聰表示和阿Sa的合作緣份，可以追溯到《戀上你的床》：「當時其實我係臨時演員嚟嘅啫!但係我就畀咗自己個身份，就係阿Sa嘅前度!連阿Sa都唔知!我就好入戲喇!」

　賀歲片中，阿Sa最難忘就是和修哥胡楓的拍攝戲份：「我真係好respect修哥!佢真係好勁!已經95歲，雖然現場個劇本對白不停改，但係修哥每一次都接到，真係令人非常佩服!」而阿聰最難忘就是Ending嘅場口：「因為嗰場全世界嘅演員都喺度，直情玩到癲咗!我同朱柏康，白只同楊偉倫撞埋一齊，都只係會互相傷害對方!其中有一場其實阿Sa可以唔喺度，但係我哋係都要佢喺度!佢嘅反應先至係最好睇!」

　講到賀歲片以賭為題材，阿聰明言自己不愛賭錢：「可能因為細個嘅時候，同啲friend都有聚埋一齊玩下，點知將所有嘅零用錢輸曬!所以從此之後就唔再賭，而新年同啲屋企人玩嗰啲，唔係叫做賭!係叫做派錢！」阿Sa亦不認自己有賭運：「我諗我嗰啲唔係叫做好運!係以技術取勝囉!哈哈哈!」

　早前做訪問時阿Sa請阿聰「吃便便」，阿聰就笑言非常榮幸：「你睇下佢之前請食嗰啲，鄭伊健呀!張智霖呀!全部都係有型嘅，即係我同佢哋同一類啦!其實講真嗰句，阿Sa係有一個親和力喺度，同埋我覺得佢係女中豪傑，人間傳奇囉!你諗下佢入行咁多年，佢仲係好正常，冇畀名利左右到，仲有一個俠義嘅精神!所以我到好respect佢!」

　而阿Sa就覺得和阿聰合作，是一件非常開心的事：「同佢傾計好容易畀佢開心感染到啦!跟住有啲學術性嘅問題問佢，佢又可以答到你喎!我覺得佢個人真係好Full呀!尤其是今次有好多時間同佢相處，佢簡直係打開咗我!我覺得自己完全唔同曬，喺拍戲嘅現場，都畀咗好多idea我，有段時間我都覺得自己綁手綁腳，我都唔識點樣形容，但係今次每場戲對戲嘅時候，佢都畀咗好多唔同嘅諗法我，令我覺得好舒服!」◇