【特訊】昨晚兩仗亞冠精英盃賽事，上海海港客戰浦項制鐵凈輸0比3，上海申花客戰柔佛DJ凈負0比3。

　星期二（1日）凌晨亞冠精英盃賽事，由C朗拿度領軍的艾納斯，主場2比1擊敗卡塔爾勁旅艾雷恩。39歲的C朗今仗又有入波，在今屆亞冠盃開齋後，更做出新的慶祝動作，雙手指天將入球獻予去世的爸爸，相當感人。盛傳C朗正同艾納斯商討續約，至少踢到2016年世界盃。

　艾納斯在亞冠盃首仗，C朗因病缺陣下只能和波，這位前鋒今場復出表現活躍，可惜上半場多次機會未能把握，艾納斯靠沙迪奧文尼入波半場領先1比0。踢到76分鐘，C朗在右路接應隊友妙傳，第一時間起左腳彎入遠柱，他入波後未有做招牌「Siu」慶祝動作，而是雙手指天、含情脈脈望向天空。艾雷恩完場前追回一球，無阻艾納斯贏波。

　C朗賽後表示：「今日這個入波有另一種味道......我希望我爸爸仍然在生，因為今日是他的生日。」C朗的爸爸在19年前因酗酒問題引發肝病去世，對C朗造成極大打擊，幾年前C朗接受皮爾斯摩根訪問，看到爸爸的影片即場落淚，心痛表示：「爸爸看不到我人生的成就，令我覺得好難過。」

　39歲的C朗寶刀未老，今季各項賽事為艾納斯上陣8場攻入7球，他同球會的合約到明年6月到期，據意大利著名記者Schira報道，艾納斯已同C朗就續約進行談判，新約將至少去到2026年夏天，因為C朗決心為葡萄牙再戰2026年世界盃決賽周，新約薪酬將會令他同勒邦占士、梅韋特等體壇天王看齊，成為全球最高薪運動員。◇