HOYTV首部原創劇集《我愛九龍城》採用全實景拍攝，串星雲集，日前進行拍攝的就有波姐馮素波及黃澤鋒、李文標，波姐表示可以同陳家樂再次合作，感覺非常開心：「呢班小朋友，我個個睇住佢哋大，好似家樂仔咁，以前表現比較緊張，到而家就大個仔喇!仲同我講做咗爸爸，生咗個女，我覺得佢成個人好似唔同咗，開咗竅，以前成日都匿埋一邊唔講嘢，好怕事好驚得罪人咁!而家成個人就唔同曬!」而家樂就覺得自己沒有甚麼改變：「可能以前自己就唔敢同啲唔熟嘅前輩傾偈，近兩年如果遇到其他演員，我都會盡量傾下偈，因為唔知幾時可以再合作，而且做咗爸爸之後，好多人都會過嚟恭喜我，咁就好容易打開話題喇!」

　而久未拍劇嘅黃澤鋒亦是串星之一，今次於劇中飾演「街市佬」，仲同另一檔主李文標持刀對峙，澤鋒就笑言新鮮感十足：「以前不嬲做開嘅都係律師之類，今次做街市佬真係好正!我覺得而家拍電視劇好有電影感，好享受做演員嘅感覺!總之就係好開心啦!」◇