HOY全新實況選秀節目《我要做主播》話咁快已到咗尾聲，到底冠軍誰屬仍是未知之數，該節目有首熱血嘅主題曲《主播日記》，由唱作歌手Cath黃妍量身打造，原來佢係讀新聞系嘅，不過就有一個原因令佢無奈放棄主播夢啊﹗

　Cath表示一聽到公司同事說有個關於主播的比賽，想找她寫主題曲，她一口答應，因為她畢業於樹仁大學新聞與傳理系：「我好明白急速但係要精準，嗰種好緊張嘅感覺，呢個又係一個比賽，香港好似無一個關於主播嘅比賽，有啲參賽者啱啱讀完新聞系，有啲已經做咗媽媽，或者有覺得自己個樣唔係太突出嘅人都好想做主播，我覺得做主播正正係你有熱誠、有能力就可以做到，唔會畀太多嘢框住嘅職業，所以我都好想畀大家一點力量，就創作咗呢首歌。」她又專程搜集了很多關於節目的資料，在歌詞裡加入了很多參賽者的背景，她知道做主播是要跟時間競賽，資料要精準，可能要調整到最後一秒，出街前一秒仍在做的奮鬥精神亦放在歌中。

　出身於新聞與傳理系的她曾經亦有個主播夢：「係讀新聞係嘅時候，好大部份同學都會向主播去進發，大學三年級嘅時候有實習，主播絕對係最大競爭嘅項目，嗰陣時我就無爭到，最後去咗報社跑新聞，我跑完之後就發誓呢世都唔好做記者啦，因為真係好辛苦，同埋我發現我有一個好大好大嘅缺點，係好影響我要做主播或記者，就係我認唔到人，好記得有一次我要跑立法會，入到去好多人，我知我一定記唔到人，前一日我已經去立法會嘅網站，將所有議員嘅樣、Title啊、工作範圍，做咗個Excel打印出來，跟住去到現場，喺立法會會議佢哋會舉手發言，我見到樣即刻對啦，我認唔到，我發現佢哋個樣都一樣嘅。所以我知道呢個缺點好影響我做要認人嘅工作。」好在做歌手主要是創作音樂，就算有面盲症亦影響不大。平時不須要接觸太多人。

　由於天生有這個面盲症的問題，她經常會認錯粉絲，甚至將名字搞錯，幸好粉絲都明白，會主動告知自己的名字。除了《主播日記》外，最近佢都推出咗另一首歌曲《福來的日子》，以她小時候居於福來邨與公公的回憶為主，她更訴說當年讀幼稚園時的一件往事，公公接佢放學時發現不見了她最後報警，豈料她已回到家中，此事令她內疚至今。而MV亦以福來邨為背景，更以AI重現童年的她在不同的地方遊玩，她看到時亦眼濕濕，十分感觸。◇