上月底生日踏入52歲嘅 車婉婉 Stephanie Che奮鬥多年，憑住真誠嘅態度主持《中年好聲音》系列，榮獲日前舉行嘅台慶頒獎禮最佳女主持，時任TVB總經理嘅 曾志偉講過，原來起用婉婉擔任主持，係因為當年佢於新秀獲冠軍後星路未算順利，一定非常明白中年參加者跌撞心情，更能代入大家心情。

　婉婉生日雖然已過去半個月，不過加埋佢得獎嘅雙料慶祝依然未完，佢喺社交平台就公開同「中一生」重聚暢談近況嘅相片，當中見到 周吉佩、何博文、支譥儀 、顏志恒、丁文俊、涂家堯、李佳、李泇霖同魏嘉信等，支支仲送上夠晒喜慶裝滿金元寶嘅蛋糕，非常好意頭。

　婉婉仲寫道：好多謝我的《中一》生，一直約我食生日飯，終於見面詳談啦！席間大家坦率的分享近況，互相聆聽、支持、鼓勵特別的緣份，我太幸福了!◇