藝人陳展鵬日前接受訪問，一談起太太單文柔（Phoebe）和6歲女兒陳諾瑤（小豬比）即滔滔不絕。

　展鵬與Phoebe經常在屋苑附近踏單車，十分浪漫；提到兩人的家庭生活，展鵬表示：「大家都知Phoebe因為選港姐，之後畀我私有化，好開心呢段時間識咗太太，畀咗我另外一個階段，我以為呢個階段已經過咗，可能5、60歲仲係單身，或者只係拍下拖，所以現階段好開心，仲有埋小朋友。」

　展鵬錫小豬比錫到燶，身為廿四孝爸爸的他，最希望女兒似媽咪，「通常女都會似爸爸，尤其係性格，我最驚個女似我唔好嘅性格，好想佢似媽咪。」而展鵬和Phoebe在愛女面前，經常都會講「I Love You」，展鵬笑言：「未識太太之前好少講，通常拍戲先講，而家就將呢句掛喺咀邊，佢好感染到我，希望阿女都感染到。」◇