周殷廷日前成為某牙膏品牌的形象大使，以全黑型格裝束現身尖沙咀拍攝，吸引大批fans及途人圍觀！

　 完成拍攝後，不少人大讚周殷廷有型，又表示輕鬆駕馭各種純黑配搭。當被問到「點解可以咁有型」，周殷廷停下腳步打趣回答：「全靠我得把口囉！」未等眾人反應，他即解釋︰「平時唱歌、拍嘢都要露齒笑，加上成日都要同大家講經，把口用得最多，所以啲牙梗係要夠白！」語畢即被大讚懂得賣口乖！周殷廷隨即開啟認真講經mode，他覺得身為藝人，除了用歌喉、演技展示自己之外，一個自信及魅力的笑容也十分重要，而何謂魅力笑容，「就係牙齒夠白，最好係bling bling閃親人嗰隻！」◇